میرا ہندوستان ہے یہ میرا ہندوستان ہے
اس پہ دل قربان اس پہ جان بھی قربان ہے
اپنے پیارے ملک کی اک منفرد پہچان ہے
سرحدوں پر ہیں کھڑے اپنے محافظ مرحبا
ان کو تو محفوظ رکھنا ہر بلا سے اے خدا
پربتوں سے بھی ہے آگے جن کا دیکھو حوصلہ
ویر ہر بھارت کا میرا اک بڑا طوفان ہے
اس پہ دل قربان اس پہ جان بھی قربان ہے
میرا ہندوستان ہے یہ میرا ہندوستان ہے
اپنے پیارے ملک کی اک منفرد پہچان ہے
اس کی آب و تاب سے روشن ہوئی ہے کہکشاں
تین رنگوں سے سجا کیسا ہے سندر یہ سماں
جھک گیا عظمت میں اس کی دیکھئے یہ آسماں
سر زمین ہند کی اپنے ترنگا شان ہے
اس پہ دل قربان اس پہ جان بھی قربان ہے
میرا ہندوستان ہے یہ میرا ہندوستان ہے
اپنے پیارے ملک کی اک منفرد پہچان ہے
چھا رہا ہے ہر طرف دیکھو چمن میں اک خمار
جشن آزادی کا ہے اور رقص کرتی ہےبہار
کیا حسیں گلشن میں کھلتے ہیں ہمارے لالہ زار
رحمتوں کی چار سو ہوتی یہاں باران ہے
اس پہ دل قربان اس پہ جان بھی قربان ہے
میرا ہندوستان ہے یہ میرا ہندوستان ہے
اپنے پیارے ملک کی اک منفرد پہچان ہے
کس قدر جاذب نظر ہے کس قدر ہے یہ حسیں
ایسی گنگا اور جمنا ہو نہیں سکتی کہیں
کتنی تہزیبوں کی عادل ہے مری یہ سر زمیں
پیار سے رہتا یہاں ہر دھرم کا انسان ہے
میرا ہندوستان ہے یہ میرا ہندوستان ہے
اس پہ دل قربان اس پہ جان بھی قربان ہے
اپنے پیارے ملک کی اک منفرد پہچان ہے