کیا شان ہماری ہے یہ جگ کو دیکھا دیں گے

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے

 

دلکش یہ حسیں کتنے گنگا کے کنارے ہیں

بھارت تری دھرتی کے کیا خوب نظارے ہیں

مسجد بھی ہماری ہے مندر بھی ہمارے ہیں

ہم ہند کے واسی ہیں دنیا کو بتا دیں گے

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے

 

ہم اس کے محافظ ہیں یہ ملک ہمارا ہے

ہر ایک مخالف کا سر ہم نے اتارا ہے

آنچ آئے وطن تجھ پر کب ہم گنورا ہے

اے دیس تری خاطر ہم خود کو مٹا دیں گے

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے

 

آتی ہے دیوالی جب سب دیپ جلاتے ہیں

ہم عید کرسمس بھی اک ساتھ مناتے ہیں

نعرے تیری الفت میں ہم لوگ لگاتے ہیں

اس امن کی دھرتی کو رنگوں سے سجا دیں گے

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے

 

پھیلی ہیں زمانے میں بھارت تری تنویریں

آئے ہیں غلامی کی سب توڑ کے زنجیریں

لکھی ہیں لہو دے کر ایثار کی تحریریں

اے ملک تیری خاطر ہم سر کو کٹا دیں گے

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے

 

یہ خاک وطن تیری ابھرے ہوئے تارے ہیں

طوفان سے ٹکرائے وہ ویر ہمارے ہیں

اس مادر گیتی کے سب روپ نیارے ہیں

تاریخ ہے کیا اپنی دنیا کو سنا دیں گے

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے

 

ہر دل میں محبت کی اک جوت جلائی ہے

گاندھی نے اہنسا کی جو راہ دیکھائی ہے

سنسار نے خود اس سے اک راہ بنائی ہے

پیغام محبت کا ہم لوگ سدا دیں گے

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے

 

ہے ہم پہ سدا دیکھو مالک کا کرم یارو

روکے سے نہیں رکتے اب اپنے قدم یارو

ہم توڑ کے رکھ دیں گے باطل کا بھرم  یارو

مشکل کا ہر اک پتھر ہم رہ سے ہٹا دیں گے

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے

 

کیا رنگ مزمل ہے اچھا یہ ترنگا ہے

سنسار کے جھنڈوں سے اونچا یہ ترنگا ہے

اس پیار کی دھرتی کا سچا یہ ترنگا ہے

عادل اسی جھنڈے کو ہر دل میں بسا دیں

 

کیا شان ہماری ہے یہ جگ کو دکھا دیں گے

باطل تیرے منصوبے مٹی میں ملا دیں گے