کیا کیا بیاں کروں صفتِ حسنِ بے مثال
ہے آدمی کی ذات میں وہ پیکرِ کمال
کہتا ہوں، سن، پہ جان لے درماں نہیں ہے کچھ
اب ہجر چاہیے نہ مجھے چاہیے وصال
دینا جواب آئے گا تجھ کو نہ حشر تک
بہتر ہے اب کہ حشر میں تجھ سے کروں سوال
دیوار و در پہ برق گرے آندھیاں چلیں
کب تک کروں گا ٹوٹتے گھر کی میں دیکھ بھال
کیا یہ عجب نہیں؟ کہ ترے انتظار میں
کم فرصتی کا مجھ کو نہیں ہے ذرا خیال
اہلِ چمن کو جشنِ بہاراں ہے دل عزیز
صائنؔ طرب کے ساز پہ چھیڑو نہ تم ملال