بہاریں رقص کرتی ہیں بڑا دلکش نظارا ہے
بڑا سندر حسین شاداب یہ گلشن ہمارا ہے
اسے اپنا لہو دے کر بزرگوں نے نکھارا ہے
ہراک مزہب کے لوگوں نے اس مل کر سنوارا ہے
یہ ہندو اور مسلم سکھ عسائی سب کا پیارا ہے
یہ ہندوستاں ہمارا ہے یہ ہندوستاں ہمارا ہے
یہاں کی سر زمیں سے پھول خوشبو لے کے کھلتا ہے
یہاں جزبہ شہادت کا ہر اک دل میں مچلتا ہے
فلک لینے کو بوسے آن کے دھرتی سے ملتا ہے
یہاں پر پریم کا سکہ صبح اور شام چلتا ہے
سبھی دیشوں سے افضل ہے سبھی سے یہ نیارا ہے
یہ ہندو اور مسلم سکھ عسائی سب کا پیارا ہے
یہ ہندوستاں ہمارا ہے یہ ہندوستاں ہمارا ہے
یہاں مندر یہاں مسجد یہاں گرجا گرودورہ
محبت ایکتا الفت کا دیتے ہیں سبق پیارا
یہاں مرلی کی بنسی ہے یہاں پر رام بستے ہیں
یہ ہی چشتی کی دھرت ہے یہاں نانک بھی ملتے ہیں
یہاں جمنا کی دھارا ہے یہاں گنگا کی دھارا ہے
یہ ہندو اور مسلم سکھ عسائی سب کا پیارا ہے
یہ ہندوستاں ہمارا ہے یہ ہندوستاں ہمارا ہے
سبھی نے ساتھ مل جل کر فرنگی کو بھگایا تھا
رومال ریشمی تحریک نے اک گل کھلایا تھا
سدا الفت سے رہنا ہے شرافت اپنا گہنا ہے
جمعیت کا ہر اک انساں سے لوگو یہ ہی کہنا ہے
سدا ہندو مسلماں نے محبت کو ابھارا ہے
یہ ہندو اور مسلم سکھ عسائی سب کا پیارا ہے
یہ ہندوستاں ہمارا ہے یہ ہندوستاں ہمارا ہے
کہیں اشفاق اللہ خاں کہیں حسرت موہانی نے
کیا ہے کام کیسا دیکھئے جھانسی کی رانی نے
لٹا دی ملک کی خاطر سبھی نے یہ جوانی ہے
بڑی پر درد میرے ملک تیری یہ کہانی ہے
رہے بھارت سدا آباد یہ ہی سب کا نعرا ہے
یہ ہندو اور مسلم سکھ عسائی سب کا پیارا ہے
یہ ہندوستاں ہمارا ہے یہ ہندوستاں ہمارا ہے
بھگت سنگھ نے وطن کے واسطے خود کو مٹا ڈالا
نہ جانے کتنے علماء نے یہاں سر کو کٹا ڈالا
بڑا ہتھیار تھا کیسا اہنسا میرے باپو کا
وطن اپنا ہمیشہ سے ہے سنتوں اور سادھو کا
یہاں پہ پریم کے دریا کا بہتا ایک دھارا ہے
یہ ہندو اور مسلم سکھ عسائی سب کا پیارا ہے
یہ ہندوستاں ہمارا ہے یہ ہندوستاں ہمارا ہے
کہیں پیڑوں پہ لاشیں تھیں کہیں دھرتی پہ خوں انکا
وطن کے واسطے قائم رہا لیکن جنوں انکا
کفن باندھے ہوئے سر پر سدا چلتے تھے مولانا
ہر اک ذوق شہادت میں نظر آتا تھا دیوانا
لٹا تن من دیا اپنا وطن نے جب پکارا ہے
یہ ہندو اور مسلم سکھ عسائی سب کا پیارا ہے
یہ ہندوستاں ہمارا ہے یہ ہندوستاں ہمارا ہے
ہر اک مشکل مصیبت سے وہی محفوظ رکھتا ہے
مزمل آسماں بوسے یہاں لینے کو جھکتا ہے
ترنگا یہ میرا عادل زمانے بھر سے اچھا ہے
بلندی سے ہمیشہ سب پہ سایا کرتا رہتا ہے
ترے رنگوں میں سمٹا ایکتا کا ایک منارا ہے
یہ ہندو اور مسلم سکھ عسائی سب کا پیارا ہے
یہ ہندوستاں ہمارا ہے یہ ہندوستاں ہمارا ہے