پل پل رلائے گا یہ نیا سال دوستو
ہم کو نہ بھائے گا یہ نیا سال دوستو
آمد سے قبل جشن ہے ہر سمت دیکھئے
کیا گل کھلائے گا یہ نیا سال دوستو
غم کے سوائے کچھ بھی نہ لایا تھا پچھلا سال
کیا لیکے آئے گا یہ نیا سال دوستو
حالات دیکھ کر ہمیں لگتا ہے بس یہی
مشکل بڑھائے گا یہ نیا سال دوستو
مضبوط اپنا رب سے جو ہوجائے رابطہ
کیوں کر رلائے گا یہ نیا سال دوستو
ہم کو خدائے پاک سے امید ہے بہت
خوشیاں ہی لائے گا یہ نیا سال دوستو
داؤدؔ ہمارے ساتھ جب امسال بھی نہیں
کیا دل لبھائے گا یہ نیا سال دوستو